პროგრამის განმახორციელებელ პირთა და ადმინისტრაციის  გამოკითხვის ანგარიში

საზოგადოებრივი კოლეჯი სიო, სწავლების ხარისხის, პერსონალისა და მთლიანად ორგანიზაციის საქმიანობის შეფასებისათვის პერმანენტულად აწარმოებს სტუდენტების, პროგრამის განმახორციებლების, ადმინისტრაციის, კურსდამთავრებულთა და პარტნიორების გამოკითხვას.

            გამოკითხვის შედეგების სისტემატიზაციის გზით ხდება მათი ანალიზი და დამუშავება. მიღებული შედეგები, როგორც პრაქტიკამ გვანახა მიუთითებს იმ სუსტ და ძლიერ მხარეებზე რომელზეც ორგანიზაციამ უნდა გაამახვილოს ყურადღება.

წარმოგიდგენთ  2022-2023 წლის - პროგრამის განმახორციელებელ პირთა გამოკითხვის ანგარიშს

პროგრამის განმახორციელებელ პირთა გამოკითხვის შედეგად, შეგვიძლია დავასკვნათ შემდეგი:

გამოკითხულთა აბსოლიტური უმრავლესობა ამბობს, რომ ისინი ჩართულნი იყვნენ და აქტიურ მონაწილეობას იღებდნენ მოდულების ადაპტირების პროცესში, ხოლო კოლეჯის მხრიდან ხდებოდა მათი აზრის გათვალისწინება მოდულებისა და პროგრამების შემუშავებისას. ისინი დადებითად აფასებენ სასწავლო მოდულებსა და პროგრამას და მათთვის მისაღებია მოდულის სტრუქტურა.

პროგრამის განმახორციელებელ პირთა 14,3% ამბობს რომ სრულად არ ჰქონდა გაწერილი სწავლის დაწყებისას გამოსაყენებელი მასალები და ლიტერატურა, რაც აიხსნება კოვიდ ვირუსის მიერ გამოწვეული გაურკვეველი ვითარებით. მასწავლებლებმა არ იცოდნენ როგორ რეჟიმში მოგვიწევდა, და მოგვიწევდა თუ არა სწავლის დაწყება. იხილეთ დიაგრამა N1

აღსაღნიშნავია პროგრამის განმახორციელებელ პირთა მზაობა გაიარონ, და აიმაღლონ კვალიფიკაცია სხვადასხვა ტრეინინგების საშუალებით.

ხომ არ საჭიროებთ რაიმე საკითხებზე დამატებით ტრეინინგს/ კონსულტირებას?

14 % თვლის რომ საჭიროა დამატებითი მატერიალური და ტექნიკური ბაზა პროგრამის განსახორციელებლად, ამიტომ საჭიროა მათი აზრის მოსმენა და გათვალისწინება, რათა მოხდეს სასწავლო პროცესის გამრავალფეროვნება და გაუმჯობესება. ისინი აღნიშნავენ რომ ხშირად იყენებენ დამატებით რესურსებს სასწავლო პროცესში, გაკვეთილისას დიდ დროს უთმობენ პრაქტიკის ნაწილს.

ასევე საინტერესოა ადმინისტრაციული პერსონალის გამოკითხვის შედეგებიც:

რომლებიც ამბობენ რომ მათი მთავარი მოტივი დაკავებულ პოზიციაზე მუშაობისას არის : თავიანთი გამოცდილება მოახმარონ ახალი თაობის გაზრდას, რაც რათქმაუნდა მისასალმებელია.

ადმინისტრაციული პერსონალი იცნობს კოლეჯის ვებ-გვერდს და 71% ყოველდღიურად სტუმრობს მას

შპს „სიო“-ს მიერ ჩატარდა აქტიურ სტუდენტთა გამოკითხვა რათა უკეთ გააანალიზოს და შეაფასოს რამდენად კმაყოფილნი არიან სტუდენტები სასწავლებლის სსერვისებით.  ასევე კითხვარში დასმულია ისეთი შეკითხვები, რომელათა მეშვეობითაც შესაძლებელია დავადგინოთ რამდენად კარგად იცნობენ სტუდენტები თავიანთ უფლებებს და კოლეჯში მოქმედ წესებს. სულ გამოიკითხა 83 სტუდენტი. წარმოგიდგენთ დიაგრამებსა და გამოკითხვის შედეგებს.

სტუდენტთა უმრავლესობა პასუხობს, რომ მათი უფლებების შესახებ ინფორმაცია მიიღეს სტუდენტთა საინფორმაციო შეხვედრაზე. აღსანიშნავია, რომ გამოკითულთაგან არცერთი არ პასუხობს, რომ ისინი არ იცნობენ საკუთარ უფლებებს.

კითხვარის შედეგები გვიჩვენებს, რომ სტუდენტები ინფორმირებულნი არიან შეფასების სისტემაზე  და აპელაციის შესახებ. მათ იციან როგორი ფორმით უნდა გამართონ კომუნიკაცია კოლეჯის პერსონალთან და ადმინისტრაციასთან რათა გათვალისწინებულ იქნას სტუდენტთა შეხედულებები და მოსაზრებები. სტუდენტები ასევე გრძნობენ თანადგომას კოლეჯის მხრიდან დასაქმების სფეროში. მათი უმეტესობა პერმანენტულად იღებს ინფორმაციებს შესაფერისი ვაკანსიების შესახებ.

იხილეთ გამოკითხვის ამსახველი დამატებითი დიაგრამები:

პერსონალის საჭიროების კვლევის ფარგლებში შპს „სიო“-ში ჩატარდა პერსონალის გამოკითხვა. მიღებული შედეგების ანალიზისას გაირკვა თანამშრომელთა მუშაობის ხანგრძლიობა: (იხილეთ დიაგრამა)

თანამშრომლები აცხადებენ რომ უკანასკნელ პერიოდში ხშირად მიუღიათ მონაწილეობა ტრეინინგებში და ვორკშოპებში. ხოლო მიღებულ გამოცდილებას წარმატებით იყენებენ მათ ყოველდღიურ საქმიანობაში.

გამოკითხვის მნიშვნელოვანი მიგნებაა იმ საჭიროებების ჩამონათვალი რომელთაც თავად დასაქმებულები თვლიან რომ ესაჭიროებათ

 გთხოვთ  დაასახელოთ დამატებით რა საჭიროება გაქვთ,   იმისათვის რომ უკეთ შეასრულოთ დაკისრებული მოვალეობა?

უფრო მეტი ტრენინგი სისტემურ სიახლეებზე

ინდივიდუალური მუშაობა

კომპიუტერები,პროექტორი

სიახლეების შესაბამისი ტრენინგები

თეორიული მასალის ონლაინ სწავლების შესაძლეობა

თანამედროვე სიახლეებისა და ინოვაციების გაცნობის ტრენინგები და ვორკშოპები

თვითშეფასების პრობლემა მნიშვნელოვან გავლენას ახდენს ადამიანზე, მის შრომისუნარიანობაზე, ფსიქოემოციურ მდგოამრეობაზე, ეს კი თავისთავად დიდ სირთულეებს ქმნის სამუშაო გარემოში და დიდ თავსატეხს წარმოადგენს მენეჯერებისთვის. მიღებული ინფორმაცია კი შესაძლებელს გახდის მნიშვნელოვანი გარდატეხა მოხდეს მართვის კუთხით. მსგავსი ტიპის ცოდნა ძალზედ პრაქტიკულია და დაეხმარება მმართველ რგოლს შესაბამისი სტრატეგიისა და მექანიზმების შემუშავებაში. სწორედ აღნიშნული ფაქტორების შესაბამისად შემუშავდა „პერსონალის თვითშეფასების კითხვარი“ და გამოიკითხა ორგანიზაციის თანამშრომლები.

გამოკითხვის შედეგად ვადგენთ, რომ თანამშრომლები მათი სამუშაოს შესრულებისას ნაწილობრივ განიცდიან დროის უკმარისობას.

ასევე ირკვევა, რომ ორგანიზაციის თანამშრომლები ხშირად ესწრებიან ტრენინგებსა და ვორკშოფებს. რომელთა სიხშირეც თითქმის ყოველ თვეა.

რაც შეეხება რეკომენდაციებს, შეიძლება გამოვყოთ შემდეგი:

პროგრამის ფარგლებში საგანმანათლებლო რესურსების განახლებაზე ზრუნვა

წიგნადი ფონდის შევსება ევექსის სახელმძღვანელოებით